இசை

எங்களில்
இன்பம் கொட்டு

உன்
எண்ணெய்
தடவிய
இறகால்
எங்கள் மனசு தடவு

எங்கள்
நரம்புகளில் ஒட்டியிருக்கும்
கறை கழுவு

உள்ளுக்குள்
முரண்டு பிடிக்கும்
மிருகமடக்கு

மென்மையை
ஊற்றி
இதயம் கழுவு

மனித
வார்த்தைகளால்
புண் படும் போது

ஒலிவொயிலாகு
உலக மாந்தர்
இறுகும் போது
இளக விடு

வாழ்க்கை
வழிந்தோடும் போது
இருக விடு

விடிகாலை
பறவைகளின் சங்கீதம்

விடிந்ததும்
கண்விழிக்கும்
குழந்தைகளின் சங்கீதம்

பூக்களின்
சிணுங்கள் சங்கீதம்

சாலைகளில்
சனங்களின்
சலசலப்பூ சங்கீதம்

இரவின்
இடுப்பில்
உறங்கும்
அமைதிச் சங்கீதம்

இசையே நீ
எதற்குள்
கருவிருந்தாய்?

இன்பத் தமிழே

மெல்லச் சிரிப்பவளே உன்
கொடி இடை அசைந்தது பார்
முத்து உன் பல்லழ‌கின் வெளிச்சம்
மின்னும் அழகினைப் பார்
உன் அசைந்த கூந்தல் முகர்ந்து என்
மனம் கசிந்தது பார்
வாளிப்பான உன் அங்கம் கண்டு என்
மேனி புள்ளரிக்கும் நிகழ்வு பார்

இன்ப ஊற்றே காலைத்
தென்றல் தொடுவது போல்
இன்பம் பெருகுதடி உன்
அழகு சிந்துதடி கொடியே
உன் மூச்சு மணக்குதடி இளம்
வாழைக்குருத்தடி நீ
என் மஞ்சம் காணும் தருணம் உன்
இளமை முக்தி பெரும்

இன்பத் தமிழ்க்கவிதை அழகு
குரலில் பிறக்கும் தருணம்
உன் இதழே என் கருத்தில் பிறக்கும் உயிர்
ஓவியமடி நீ என் அழகே
உன் பிறந்த அர்த்தம் புரிய நீ
என் நெஞ்சில் சாய்
உலகம் உனக்கு உவகையாகும்

வெண்கட்டி

எத்தனையோ
கனவுகளின்
கைக‌ளுக்கு
ஊன்றுகோள் கொடுத்தவன்.

மூளையில்
புதைந்து கிடந்த
எத்தனையோ
அறிவியல் விலாசங்களுக்கு
முகவரி கொடுத்தவன்.

பிள்ளையின்
மனங்களின்
கருப்பு பகுதிக்கு
அறிவியல்
வெண்சாயம் பாய்ச்சியவன்.

துருப்பிடித்த
மூளைகளையும்
சலவை செய்த
ஓர் அறிவியல் தொழிலாளி.

உலகை
கரும்பலகையில்
அறிமுகப்படுத்திய‌
வித்தைக்காரன்.

பெரிய சாம்ராஜ்யங்களின்
தலையெழுத்தையே
மாற்றிய
வீரர்களின்
ஆரம்ப ஆயுதம்.

ஒரு வகுப்பரை
உலகை
புடம் போட
போதுமானவை.
அவ்வகுப்பரையின்
அச்சானியே
வெண்கட்டிதான்!!!

மனிதன்..நதி

மனிதன் ஒரு புதிர்
எதனை
அவனுக்கு ஒப்பிடலாம்?

அவன் ஒரு நதியா?

சரிவுகளில்
சறுக்கி கடக்கவும்,
பள்ளங்களில்
தங்கி நிற்கவும்
தரைகளில் ஊர்ந்து
நடக்கவும்
குழிகளில்
நிரந்தரமாக நின்று விடவும்

மனிதனைப் போல்
நதிக்கும்
இயல்புகளுண்டு

கடும் உழைப்பாளி
பாய்ந்து செல்லும்
காற்றாற்று நதியா ?

நல்ல மனம்
தூய்மையான நீர்

அழுக்கு மனம்
ஓடாத நீர்

நதி எப்போதும்
பள்ளம் நோக்கித்தான்
பாயும்
பணக்காரனைக் கண்டு
தலை வலைக்கும்
மனிதனைப்போல்

பணம் எங்கு இருக்கிறதோ
அங்கே
மனிதன் பாய்வான்

ஒரு நதி
தன் ஓட்டத்தை
துரிதப்படுத்த
பெரும் பாராங்கல்லொன்றை
சந்திக்க வேண்டும்
மனிதன்
தான் முக்தி பெற
மிகப் பெரும்
சோதனையொன்றை
எதிர்கொள்ள வேண்டும்

எந்த நதியும்
தன் ஓட்டத்தை
சிறிய தடைகளுக்காக
மாற்றிக்கொள்ளாது
ஒரு இலட்சியம்
நோக்கி
பயணித்த
மனிதனைப்போல்

மனிதன் போல்
கிளைகள் கொண்டதே
நதி.
நல்ல நீர்
தூய்மையான நீர்
பாழ் பட்ட நீர்
அவிந்த நீர்
என்று
மனிதக்குணங்களை போலவே
நீரும்
குணங்களைக்கொண்டிருக்கின்றது